10 ශ්‍රේණිය - 46 පාඩම

46. අපරදිග රටවල ථේරවාදී බුදු සමය.

1. මහාවංශය ඉංග්‍රීසියට පරිවර්තනය කරමින් ඉංග්‍රීසීන් උගතුන්ට බුදුදහම ප්‍රචලිත කරන ලද්දේ කවුරුන් විසින්ද? 

• 1837 ජෝර්ජ් ටර්නර් මහතා

 2. ලක්ෂ සංඛ්‍යාත ඉංග්‍රීසි පාඨකයින්ගේ සිත් දිනා ගැනීමට සමත් වූ බුද්ධ චරිතය ඇතුළත් ග්‍රන්ථය කුමක්ද? 

• 1879 දී ශ්‍රීමත් එඩ්වින් ආර්නෝල්ඩ් ලියනලද ආසියා ආලෝකය. 

 3. එංගලන්තයේ පාලි පොත් සමාගම පිහිටවනු ලැබුවේ කවදාද? 

•  1881

 4. එංගලන්තයේ මහා බෝධි සමාගම අනගාරික ධර්මපාලතුමන් විසින් ආරම්භ කරන ලද්දේ කිනම් වර්ෂයේද? 

• 1926

 5. ප්‍රංශයේ දී බුදුදහම ප්‍රචලිත කරන ලද්දේ කුමන ස්ථානයේද? 

• සෝබෝන් විශ්වවිද්‍යාලයේ දී ආචාර්ය වල්පොල රාහුල හිමි

 6. ජර්මනියේ දී බෞද්ධ සංකල්පය ප්‍රචලිත කිරීමට උත්සාහ කළ වියතුන් කවුද? 

• මැක්ස් මුලර් මහතා, හර්මන් ඕල්ඩෙන්බර්ග් මහතා.

 7. ප්‍රථම වරට ථේරවාදී බුදුදහම වැළඳගත් ඇමරිකානු ජාතිකයා කවුද? 

• හෙන්රි ස්ටීල් ඕල්කට් තුමා. 

 8 ඇමරිකාවට ථෙරවාදී  බුදුදහම විධිමත් ලෙස හඳුන්වාදුන් ලාංකික උත්තමයා කවුද?   කුමන අවස්ථාවේද?

•  අනගාරික ධර්මපාල තුමා, 1893 ඇමරිකාවේ පැවති ලෝක ආගමික සම්මේලනයේදී. 

 9. වොෂින්ටන් බෞද්ධ විහාරය ආරම්භ කරන ලද්දේ කිනම් වර්ෂයේද මූලිකත්වය ගත්තේ කවුද?  

•  1965 මඩිහේ පඤ්ඤාසීහ හිමි. 

 10. බ්‍රසීලයේ බෞද්ධ සංගමය ආරම්භ කරන ලද්දේ කිනම් වර්ෂයේ ද?
    මූලිකත්වය ගත්තේ කවුද?

• 1956,.එච්.එන්.ඩී. අස්වේදු

 11. බ්‍රසීලයේ ප්‍රථම ථෙරවාදී බෞද්ධ විහාරය ආරම්භ කරන ලද්දේ කිනම් වර්ෂයේද?.. එහි විහාරාධිපති හිමි කවුද?.. 

•  1967. 6.8 , රියෝ ද ජැනයිරෝ නගරයේ. කල්පිටියේ අනුරුද්ධ හිමි

 12. 1974 දී යුරෝපා බෞද්ධ සංගමය පැරිස් නගරයේ ආරම්භ කරන ලදී. ඒ සඳහා සහභාගි වූ රටවල් මොනවාද?

•  ජර්මනිය, ඕස්ට්‍රේලියාව, ප්‍රංශය, නෙදර්ලන්තය, ඉතාලිය, බෙල්ජියම, ස්විස්ටර්ලන්තය, එංගලන්තය

 -  ප්‍රදීප් එස්. ප්‍රනාන්දු ගුරු මහතා.